Шоманай районында әскер шаңарақларына жаңа турақ жайлар тапсырылды

Шоманай районында жайласқан Өзбекистан Республикасы Миллий қәўипсизлик хызмети шегара әскерлери 9202 Z санлы бөлиминде хызмет етип атырған 16 шаңарақ әскерлери жаңадан салып питкерилген барлық қолайлықларға ийе заманагөй шаңараққа көшип қоныс басты.

Усы жылы 6 январь күни әскер шаңарақларына жаңа турақ жайлардың гилтин тапсырыўға арналған салтанатлы мәресим өткерилди. Салтанатлы мәресимге Қарақалпақстан Республикасы Ҳүкимет басшылары, Өзбекистан Республикасы Миллий қәўипсизлик хызмети шегара әскерлери, Жоқары командалық қурамынан келген мийманлар шегара әскерлери шаңарақ ағзалары менен биргеликте ҳәм районның «Моншақлы» мәкан пуқаралар жыйынында жасайтуғын бир қатар пуқараралар қатнасты.

Жаңа қурып питкерилген 2 орында жайласқан 8 квартиралы 16 шаңараққа мөлшерленген сметалық баҳасы 3 млрд. 700 млн.сўм туратуғын турақ жай байрам алды әскерлерге саўға болды.

Салтанатлы мәресимде Қарақалпақстан Республикасы Жоқарғы Кеңеси Баслығы М.Ерниязов шығып сөйлеп, халық жаңа 2018-жыл менен ҳәм 14-январь Ўатан қорғаўшылар күниниң 26 жыллық байрамы менен қутлықлады.

Бул қутлы қоныс тойы елимиздиң қүдретли қалқаны болған Миллий Армиямыздың халық пенен бирге екенин және бир мәрте дәлиллеп, Армиямызда хызмет етип атырған ел перзентлерине ғамхорлықтың күннен күнге артып баратырғанын дәлиллеп тур еди.

 

 

 

  

  

 

 

  

 

Бөлимлер