Пуқаралардың ѳзин-ѳзи басқарыў уйымлары жумысларын муўапықластырыў бойынша ҚР Кеңеси 2017-жыл қандай жумысларди әмелге асырди

Пуқаралардың ѳзин-ѳзи басқарыў уйымлары жумысларын муўапықластырыў бойынша Қарақалпақстан Республикасы Кеңеси тәрепинен  2017-жыл даўамында әмелге асырылған жумыслар ҳәм 2018-жылға белгиленген ўазыйпалар ҳаққында кеңейтирилген мәжилиси болып өтти.

Мәжилиске Қарақалпақстан Республикасы Жоқарғы Кеңесиниң комитет баслығы Сағындық Турманов, Министрлер Кеңеси, Өзбекистан Кәсиплик аўқамлары бирлеспеси Қарақалпақстан Республикасы Кеңеси, Ишки Ислер Министрлиги, Өзбекстан Республикасы маҳаллелер Кеңеси, Пуқаралардың өзин-өзи басқарыў уйымлары жумысларын муўапықластырыў бойынша Қарақалпақстан Республикасы Кеңеси ағзалары ҳәм тийисли тараў қәнийгелери қатнасты. 

Бүгинги күнде Қарақалпақстан Республикасында жәми  405 мәҳәлле пуқаралар жыйынлары бар болып солардан, 252  мәҳәлле, 141 аўыл пуқаралар жыйынлары, 12 посёлка жыйынлары өз хызметлерин көрсетип келмекте. Соннан, 33 пуқаралар жыйынлары қоңсы мәмлекетлер менен шегаралас аймақларда жайласқан. Халқымызды жаңадан қабыл етилип атырған нызам ҳүжжетлери, бос жумыс орынлары ҳаққында жақыннан хабардар мақсетинде пуқаралар жыйынларында көргизбели пешлавҳалардың намуналары  жеткерип берилди.

Мәҳәлле ҳәм шаңарақларда  ижтимоий-маънавий орталықты үйрениў ҳәм анықланған машқалаларды сапластырыў мақсетинде 300 мыңнан артық шаңарақлар үйренилип шығылды.

Сондай-ақ, мийнетке жарамсыз үй-жайға мүтәж ҳәм кем тәмийинленген 65 пуқара арзанластырылған үлгили жойбардағы үй-жай алып бериў мақсетинде ҳәр бирине 10,0 млн сўмнан жәми 650 млн сўм қаржы пластик карточкаларына ѳткерип берилди.

Жоқары оқыў орынларында билим алып атырған шын жетимлер нәгиран талабаларды ҳәр тәреплеме қоллап-қуўатлаў мақсетинде
45,6 млн сўм қаржы, социаллық қорғаўға мүтәж кем тәмийинленген шаңарақларға 40,0 млн сўм қаржы, бағыўшысын жойтқан шаңарақлар, жалғыз баслы кекселер ҳәм нәгиранлардың саламатлыгын тиклеў ушын 75,0 млн сўм қаржылай жәрдемлер кѳрсетилди. Соның менен бир қатарда нәгиран ҳәм мийнетке жарамсыз 55 пуқараға  44,0 млн. сўм қаржы есабында  55 нәгиранлық  арбашалары алып берилди.

Соныда айрықша атап ѳтиўимиз тийис 2017-жылды Республикамызда  5 мәҳәлле пуқаралар жыйынлары жаңадан курылып пайдаланыўға тапсырылды,

7  мәҳәлле пуқаралар жыйынлары реконструкция қылынды;

25 мәҳәлле пуқаралар жыйынлары ремонтланды;

25 мәҳәлле пуқаралар жыйынларына бир комплектден компьютер үскенелери;

63 мәҳәлле пуқаралар жыйынларының ҳәр бирине комплектден мебеллер менен тәмийинленди.

Ең тийкарғысы Қарақалпақстан Республикасында бириншилерден болып Шоманай районында барлық қолайлық ҳәм имканиятларға ийе
“Мәҳәлле Марказы” қурылып пайдаланыўға тапсырылды.

Бөлимлер