Қанлыкөлде 2018-жылғы Мəмлекетлик дəстүр додаланды

Өзбекистан Республикасы Президентиниң 2017-жыл 22-декабрьдеги Өзбекистан Республикасы Олий Мажлисине жоллаған Мүрәжатнамасы ҳәмде 2017-жыл 28-декабрьдеги Ф-5155-санлы бийлиги тийкарында «2017-2021-жылларда Өзбекистан Республикасын раўажландырыўдың бес үстин бағдары бойынша Ҳәрекетлер стратегиясынан келип шығып «Жедел исбилерменлик, инновациялық идеялары ҳәм технологияларды қоллап-қуўатлаў жылы» деп белгилениўи мүнəсибети менен Мәмлекетлик дәстүри жойбарын  улыўмахалықлық додалаўдан соң қабыл етилиўи белгиленген.

Мəжилисте тийкарынан, Өзбекистан Республикасын раўажландырыў бойынша Ҳәрекетлер стратегиясында белгиленген ўазыйпаларды «Жедел исбилерменлик, инновациялық идеялар ҳәм технологияларды қоллап-қуўатлаў жылы»нда əмелге асырылатуғын Мәмлекетлик дәстүр жойбары додаланды.

Мəмлекетимиздиң раўажланыўына қаратылған терең ойланған өз-ара келисимлер,  инвестициялық ҳəм инновациялық раўажланыўдырыў, билимлендириў, ден-саўлықты сақлаў, экология, қоршаған орталықты қорғаў, еркин ҳəм турақлы экономикалық, киши санаатты муўапықластырыў, туризм мəселелериниң жолға қойылыўы, мəмлекет  шегаралардың беккемлиги, миллетлераралық татыўлық, диний кеңпейиллик, қәўипсизликти тәмийинлеў бойынша белгиленген тапсырмалар менен ўазыйпалар белгиленип алынды.

Сондай-ақ, додалаўда Өзбекистан Либерал демократиялық партиясы районлық Кеңеси аппарат баслығы А.А.Бабажанова, Халық депутатлары районлық Кеңеси депутатлары С.А.Садыков, М.Қ.Кулмуратов, район ҳәкиминиң биринши орынбасары А.К.Абдразаковлар өзлериниң усыныс ҳәм пикирлерин, алдағы ислениўи тийис ўазыйпалар ҳаққында айтып өтти.

Мəжилис күн тәртибиндеги Мəмлекетлик дəстүр бойынша исленетуғын илажлар менен жумыслар  белгиленип алынып,  тийисли қарарлар қабыл етилди.

Бөлимлер