Қанлыкөл районы жаслары Арқа батыс əскерий округинде «Ашық есиклер күни» нде қатнасты

Өзбекистан Республикасы Президентиниң 2017-жыл 7-декабрь күнги «Өзбекистан Республикасы Қураллы Күшлериниң дүзилгенлигине 26 жыл толыўы мүнәсибети ҳәм де «Ўатан қорғаўшылары күни»н белгилеўге таярлықлар көриў ҳәм оны өткериў ис-илажлары ҳаққында»ғы бийлиги тийкарында орынларда «Миллий армиямыз — жаслардың сабырлылық, садықлық ҳəм мәртлик мектеби» ураны астында түрли илажлар өткерилмекте.

2018-жылдың 13-январь күни Қанлыкөл районы ҳəкимлиги, Өзбекистан Жаслар Аўқамының Қаракалпақстан Республикасы ҳәм Қанлыкөл районлық Кеңеси менен биргеликте Нөкис қаласында жайласқан Арқа батыс əскерий округине жаслардың саяхаты шөлкемлестирилди.

Илажда билимлендириў мектеплери, колледжлериниң 70 оқыўшы жаслары қатнасты.

Саяхат барысында жасларымыз əскерий округте хызмет етип атырған əскерлеримизге жаратылған шараятлар, əскерий техникалар, ишки күн тәртиби ҳәм әскерий хызметкерлердиң  жасаў жағдайлары менен танысты.

Соның менен бирге, мəмлекетимизде муддетли əскерий хызметти өтеген жасларға жоқары оқыў орынларына тапсырыўда берилетуғын жеңилликлер, әскерий хызметкер кәсибин таңлаў, жоқары әскерий оқыў орынларына кириў бойынша жаратылған имканиятлар ҳаққында толық тусиниклер алды.

 

 

 

 

 

 

 

 

 

 

 

 

 

 

 

 

 

 

 

 

Бөлимлер