Нөкис районында кем тәмийинленген ҳәм имканияты шекленген 3 пуқараға 10 млн сумнан қаржы берилди

Нөкис районында жәми 10 пуқаралар жыйыны бар болып, пуқаралардың өзин-өзи басқарыў уйымлары жумысларын муўапықластырыў бойынша Нөкис районы Кеңеси тәрепинен 2017-жыл даўамында мәҳәлле ҳәм шаңарақларда социаллық-рухый орталықты үйрениў ҳәм анықланған машқалаларды сапластырыў мақсетинде 10 мыңнан артық шаңарақлар үйренилип шығылды, деп хабар бермекте район ҳәкимлиги.

Жыл басында кем тәмийинленген шаңарақлар саны 1508ди қураған болса, жыл ақырына келип ҳәр тәреплеме қоллап-қуўатлаўлар, жәрдемлесиўлер нәтийжесинде 764ке кемейди. Сондай-ақ, мийнетке жарамсыз, турақ жайларға мүтәж, кем тәмийинленген ҳәм имканияты шекленген 3 пуқараға арзанластырылған үлги жойбарындағы турақ жай сатып алыўлары ушын ҳәр бирине 10 млн сумнан қаржы пластик карталарына өткерип берилди.

11

Бул қаржылар есабынан олар турақ жай ийелерине айланды, - дейди пуқаралардың өзин-өзи басқарыў уйымлары жумысларын муўапықластырыў бойынша Нөкис районы кеңеси баслығының орынбасары Нуратдин Сейтназаров Кеңестиң есабат мәжилисинде.

Болып өткен есабат мәжилисинде жыл даўамында Кеңес тәрепинен әмелге асырылған ислер ҳәр тәреплеме талқыланды.

Бөлимлер