Шымбайда «Жылдың ең жақсы – исбилермен»лери хошаметленди

Район ҳəкимлигиниң мəжилислер залында илаж болып өтти.

Оған районда жайласқан бир қатар исбилерменлер қатнасты. Онда районлық Мəмлекетлик салық инспекциясының баслығы А.Рахметуллаев Өзбекистан Республикасы Президентиниң 2017-жыл 29-декабрьдеги «Өзбекистан Республикасының 2018-жылғы макроэкономика көрсеткишлери прогнозы ҳəм мəмлекетлик бюджети параметрлери ҳаққында»ғы қарары тийкарында салық сиясатында жаңадан киргизилген өзгерислер ҳаққында баянат жасады. Сондай-ақ, шығып сөйлегенлер исбилерменлерге жаратылып атырған қолайлықлар ҳаққында айта келип, олар да өзлериниң қызықтырып жүрген бир қатар сораўларына қəнигелер тəрепинен жуўаплар алды.

Соңынан өткен жылда жоқары көрсеткишлерге ерискен бир қатар исбилерменлер районлық Мəмлекетлик салық инспекциясы ҳəм районлық Финанс бөлими тəрепинен таярланған «Ҳүрмет жарлық» ҳəм саўғалар менен сыйлықланды.

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер