«Ҳүрлиман» екинши орынды ийеледи

Ҳәр жылы ғәрезсизлик байрамы алдынан жоқары оқыў орынларының студент-жасларынан ибарат болған халық ансамбльлериниң қатнасыўында «Жалғызсаң, муқаддес Ўатан» атамасындағы республикалық конкурсты өткериў дәстүрге айланған.

Быйылғы жылғы конкурстың республикалық басқышына республикамыздан Бердақ атындағы Қарақалпақ Мәмлекетлик университетиниң «Ҳүрлиман» халық ансамбли қатнасты. Республикалық басқыш 9-июль күни Ташкент қаласында болып өтти. Ансамбль ағзасы ҳәм университеттиң журналистика бағдарының 3-курс студенти Зийўар Жақсыбаева менен телефон арқалы байланысып, оған бир-еки сораў менен мүрәжат еттик.

Сораў: «Ҳүрлиман» ансамбли конкурстың республикалық басқышында нешинши мәрте қатнаспақта?

З.Ж: Дерлик ҳәр жылы бизлер усы басқышта қатнасып киятырмыз. Өткен жылы сыйлы биринши орынды ийелеген едик.

Сораў: Усы жылғы нәтийжелер қандай болды?

З.Ж: Быйыл Самарқанд Мәмлекетлик университети биринши, бизлер оқып атырған Бердақ атындағы Қарақалпақ Мәмлекетлик университетиниң «Ҳүрлиман» халық ансамбли менен Қоқанд Мәмлекетлик университетиниң ансамбльлери екинши, ал үшинши орынды болса Ташкент техника университети, Әндижан Мәмлекетлик университети ҳәм Наманган Мәмлекетлик университети ансамбльлери ийеледи.

Бөлимлер