Шымбайда мүддетли әскерий хызметке 2050, сапарварлық шақырыў резервине 320 бала шақырыў режелестирилген

Өзбекистан Республикасы Президентиниң 2018-жыл 13-январьдағы «Мүддетли әскерий хызметтиң белгиленген мүддетлерин өтеп болған пуқараларды хызметтен босатыў ҳәм де Өзбекистан Республикасы Қураллы күшлерине нәўбеттеги шақырыў ҳаққында»ғы қарарын басшылыққа алып районда Шақырыў комиссиясы 1-февраль күни өз жумысын баслады.

Сондай-ақ, белгиленген тәртипте шақырыў комиссиясын шөлкемлестирип, оның сапалы жумыс ислеўи ушын барлық шараятлар жаратылып, керекли әсбап-үскенелер тәмийинленди ҳәм оларды медициналық  көриктен өткериў мақсетинде тәжирийбели шыпакерлер қамтып алынды.

Быйылғы жылы районда мүддетли әскерий хызметке 2050, сапарварлық шақырыў резервине болса, 320 бала шақырыў режелестирилген.

Бул жумысларды алып барыў ушын район ҳәкимлиги, Қорғаныў бөлими, Ишки ислер бөлими, «Мәҳәлле», «Нураный» қорлары районлық бөлимлери, Ҳаял-қызлар комитети, Өзбекистан «Жаслар аўқамы» районлық бөлими ҳәм районлық Медицина  бирлеспеси менен биргеликте жумыс алып барыў режелестирилген.

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер