Нөкис районның қызы ҳәкимнен «Ролик» майданшасын ашыў ушын кредит алыўға жәрдем бериўин сорады

«Қутанкөл» агроэкономикалық кәсип-өнер колледжинде район ҳәкими, Өзбекистан жаслар аўқамы Нөкис районлық Кеңеси, район прокуратурасы ҳәм бир қатар тийисли тараў басшылары тәрепинен колледж питкериўшилери менен «Ҳәким ҳәм жас фермерлер» атамасында ашық сәўбет өткерилди.

4

Ашық сәўбетти өткериўден тийкарғы мақсет районымызда жаслар арасында исбилерменлик жумысларын кеңнен ен жайдырыў, әсиресе, жәмлеспеген жасларды фермерлик ҳәрекетине қызықтырыў, фермерлик ҳәрекетин баслап атырған жас фермерлердиң жумысларында ушырасып атырған қыйыншылықлар менен машқалаларды биргеликте шешиў ҳәм олардың усынысларын үйрениў болып табылады.

Ашық сәўбетте күн тәртибиндеги мәселе бойынша район ҳәкими А.Сейтахов мәмлекетимизде исбилерменлерге ҳәм фермерлерге жаратылған имканиятлар ҳаққында бир қатар мысаллар келтирип  өтти. Буннан соң Жаслар аўқамы  Қарақалпақстан Республикасы Кеңесиниң орынбасары С.Оразалиев шығып сөйлеп, Өзбекистан жаслар аўқамы тәрепинен жаратылып атырған жеңилликлер менен таныстырды.

5

Ашық сәўбет даўамында районымыздағы орта арнаўлы кәсип-өнер колледжлери питкериўшилери, аўыл ҳәм мәкан пуқаралар жыйынларынан келген жаслар өзлерин қызықтырған сораўларын берди. «Ақмаңғыт» ППЖ турғыны Г.Турсымуратова «Ролик» майданшасын ашыў ушын кредит алыўға жәрдем бериўин сорады. Сондай-ақ, «Бақаншақлы» ҳәм «Кердер» АПЖлары турғынлары С.Пирниязов ҳәм Ш.Нызаматдиновалар шарўашылық пенен шығылланыў ушын жеңиллетилген кредитлер алыў бойынша мәсләҳәтлер сорады.

Ашық сәўбет даўамында районымыздағы  кәсип-өнер колледжлери питкериўшилери, аўыл ҳәм мәкан пуқаралар жыйынларынан келген жаслар өзлерин қызықтырған сораўларын берди.

Ашық сәўбетте колледж  питкериў  қызықтырған сораўлары ҳәм де машқалалары бойынша тийисли қәнигелерден жуўаплар алды.

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер