Пайтахтымыздағы «Табассум» күндизги балалар дем алыў лагеринде 100 ге шамалас бала мазмунлы дем алмақта

Бердақ атындағы ҚМУ жанындағы 2-санлы академиялық лицейде шөлкемлестирилген лагерде жаслардың бос ўақытларын және де мазмунлы етип шөлкемлестириў ушын барлық мүмкиншиликлер жаратылған. Илим-пән, көркем дөретиўшилик ҳәм спорт бағдарлары бойынша дөгереклер ислеп тур. Руўхый-ағартыўшылық илажлары, спорт беллесиўлери, интеллектуаллық ойынлар ҳәм ҳәр қыйлы таңлаўлар турақлы өткерилмекте.
– Мен сүўретлеў өнери, жас китапқумар ҳәм спорт дөгереклерине қатнасып атырман, – дейди Гүлназа Маратова. – «Ертеклер – жақсылыққа жетелейди» атамасында өткерилген сүўретшилик таңлаўында жеңимпаз болдым. Лагердеги дем алысты мазмунлы етип өткерип атырғанымнан қуўанышлыман.

Мақсад Ҳабибуллаев (сүўрет), ӨзА.

Бөлимлер