Қанлыкөл районлық Халық қабыллаўханасының «Көшпели қабыллаў»ында пуқараның бәнтлиги тәмийинленди

Өзбекистан Республикасы Президентиниң Қарақалпақстан Республикасы Қанлыкөл районлық «Халық қабыллаўханасы» тәрепинен районлық Бәнтликке көмеклесиў орайы ҳәм Өзбекистан Жаслар аўқамы районлық Кеңеси биргеликте район аймағындағы «Бескөпир» ҳәм «Арзымбетқум» аўыл пуқаралар жыйынларында көшпели қабыллаў шөлкемлестирилди.

Көшпели қабыллаўда аўыл пуқаралар жыйынлары, мекеме, кәрхана ҳәм шөлкемлер басшылары менен аймақ пуқаралары қатнасында болған қабыллаўда, жәмлеспеген жаслар менен жумыссыз пуқараларды районлық Бәнтликке көмеклесиў орайы баслығы Ж.Қайыпназаров дизимдеги бос жумыс орынлары менен таныстырып, шет еллерге шәртнама тийкарында жумыс ислеў тәртиби ҳаққында мағлыўматлар берди.

Сондай-ақ, қабыллаўда аймақ пуқараларының турмыс жағдайындағы  ушырасып атырған машқалалар менен пикир усыныслары тыңланды ҳәм пуқаралар тәрепинен түскен мүрәжатлар бойынша Өзбекистан Республикасы Президентиниң Қарақалпақстан Республикасы Қанлыкөл районындағы Халық қабыллаўханасы баслығы Б.Аллабергенов тәрепинен жуўаплар қайтарылды.

Қабыллаўда 1-сектор аймағы пуқарасы Полат Нурекеевтиң баласы Мамыт Реймовтың жумыс мәселеси бойынша айтылған мүрәжаты сол ўақыттың өзинде район аймағындағы билимлендириў мекемесине турақлы жумыс бойынша мийнет шәртнамасы дүзилип, бәнтлиги тәмийинленди.

Райондағы 4 сектор  аймақларында өткерилип атырған бундай илажлар халықтың ҳуқықый билимин асырып,  халық тәрепинен келип түскен түрли мазмундағы мүрәжатлардың унамлы шешим табыўына тийкар жаратады.

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер