Шоманайда 2017 жылда 22,6 млрд сўмлық санаат товарлары ислеп шығарылды

Халық депутатлары Шоманай районлық Кеңесиндеги O‘zLiDeP депутатлық топары ағзаларының гезектеги мәжилиси өткерилди.

Күн тәртибиндеги тийкарғы мәселе өткен жыл даўамында районымызды социал-экономикалық раўажландырыў дәстүри жуўмақлары ҳәм 2018 жылға режелестирилген тийкарғы жойбарлар бойынша районлық Экономика ҳәм аймақты комплекс раўажландырыў бөлими баслығы Ажинияз Сейтжановтың есабатын тыңлаў мәселеси көрип шығылды.

Есабат даўамында 2017 жыл даўамында районымызхда санаат кәрханалары тәрепинен ҳәрекеттеги баҳаларда 22 млрд 600 млн сўмлық санапт товарлары ислеп шығарылған, өткен жылдың усы дәўирге салыстырғанда 100,1 пайызды қурайды.

Районда 2017 жыл даўамында жаңа жумыс орынларын жаратыў мақсетинде халықтың бәнтлигин тәмийнлеў дәстүри тийкарында 1193 жаңа жумыс орынларын жаратыў режелестирилген болып,  ҳақыйқатта 1197 пуқаралардың бәнтлиги тәмийнленип,  белгиленген реже 100,3 пайызға орынланған.

2018 жылда “Ер Азизбек” фермер хожалығы тәрепинен жойбар баҳасы 5,0 млрд сўмлық 50 мың таўықшылыққа мөлшерленген заманагөй таўықшылық комплекси, “RANN-ОМАD” ЖШЖ тәрепинен жойбар баҳасы 4,3 млрд сўмлық 1 гектар майданға заманагөй теплица қурыў, “Брикет Шуманай” ЖШЖ тәрепинен жойбар баҳасы 3,0 млрд сўмлық брикет ислеп шығарыў цехи, “Шоманай эко текс” текстил кәрханаси тәрепинен жойбар баҳасы 21,1 млн АҚШ долларлық жыллық қуўатлылығы 7300 тонна ип-калава ислеп шығарыў заводы қырылыўы сыяқлы көплеп жойбарлар әмелге асырылыўы ҳәм халқымыз пәраўанлығы ушын хизмет көрсетиўи режелестирилгенлигин билдирип өтти.

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер