Мойнақ районы ҳәкими: 2017-жылда 22,3 млрд. сўмлық 59 жойбар әмелге асырылды

Президенттиң усы қарары менен тастыйықланған районды социаллық-экономикалық жақтан раўажландырыў, халықтың турмыс абатлығы ҳәм жумыс пенен тәмийинленгенлик дәрежесин арттырыў Бағдарламасына муўапық, өткен 2017-жыл даўамында санаат ҳәм аўыл хожалығы тараўларында, хызмет көрсетиў, сервис ҳәм туризм саласында жәми 22 млрд. 363 млн. сўмлық 59 жойбар әмелге асырылды. Бул 771 жаңа жумыс орынларының жаратылыўына мүмкиншилик туўдырды.

Жоқарыдағы Бағдарлама шеңберинде районымызды елимиз туризм орайларының бирине айландырыў мақсетинде үлкен үш әнжуман — қарақалпақ халқы шайырлары Бердақ ҳәм Әжинияз дөретиўшилигине бағышланған қосықлар ҳәм намалар, «Арал теңизи балықларыннан 99 түрли тағам» гастрономиялық, «Арал ҳәм Мойнақтың қайта тиклениўи» атамасындағы экологиялық халықаралық фестивальлар болып өтти. Ҳәр жылы өткерилиўи белгиленген бул илажлар аймағымыздың туристлик потенциалының артыўына хызмет етеди, әлбетте.

Сайлаўбай Данияров, Мойнақ районы ҳәкими.

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер