Қазақдәрьялы фермерлер бийдай тапсырыў бойынша мәмлекетлик шәртнаманы орынлады

Мойнақ районының «Қазақдәрья» массивиндеге төрт фермер хожалығы быйылғы жылдағы зүрәәт ушын өткен жылы гүзде 50 гектар жерге гүзлик бийдай еккен еди. Мәмлекетлик шәртнамада бул массив 95 тонна бийдай тапсырыўы режелестирилген болса, фермерлер 95,3 тонна бийдай тапсырып, белгиленген режени 100,3 процентке орынлады.

Мойнақ районы бойынша өткен жылы гүзде 250 гектарға гүзлик бийдай егилген болып, олардан алынатуғын өним 475 тонна етип белгиленген болса, бүгинги күнде 209 гектар жердеги бийдай орылып, олардан 428 тоннадан аслам бийдай алынды. Орым-жыйым жумыслары даўам етип атыр.

 

Дәрек: «Арал балықшысы» газетасы, 2016-жыл, 30-июнь, №12 (7111) саны.

Бөлимлер