Нөкисте республикалық шаңарақлар арасында шахмат-шашка беллесиўлери болып өтти

Пайтахтымызда ата-әже, ата-ана ҳәм еки ақлықтан ибарат шаңарақ командаларының шахмат-шашка бойынша «Биз ақыл-ойлы шаңарақпыз» атамасындағы беллесиўдиң Қарақалпақстан Республикасы басқышы өткерилди. Бул ҳаққында Өзбекистан Миллий мәлимлеме агентлиги (ӨзА) хабарлады.

«Мәҳәлле» қайырқомлық жәмийетлик қорының Қарақалпақстан Республикасы бөлими тәрепинен шөлкемлестирилген илаждың төменги басқышларында 5 мың 100 ден аслам шаңарақ қатнасты ҳәм солардан 15 шаңарақ республикалық басқышта беллести.

Беллесиўдиң жуўмағына бола, Хожели районынан  Әбдикерим Төреевлер шаңарағы биринши, Шымбай районы «Қаракөл» АПЖдан Кеңесбай Реймовлар шаңарағы екинши, Қоңырат районы «Тарақлы» АПЖдан Орынбай Есенқуловлар шаңарағы менен Тахтакөпир районы «Атакөл» АПЖдан Өтемурат Мәўленовлар шаңарағы үшинши орынды ийеледи.

Бөлимлер