Нөкис районына Германиядан ҳасылландырылған қара маллар алынып келинеди

Нөкис районындағы 45 шарўа фермер хожалықларында 2 430 бас қара мал, 2090 бас қой жанлық, 303 бас жылқы 15 бас түйе күтимли бағылмақта. Районымыз шарўалары өткен жылы 117 тонна гөш, 790,6 тонна сүт өнимлерин жетистирди.

Әлбетте, шарўашылықта санға емес сапаға итибар бериў үлкен әҳмийетке ийе. Соның ушын қара маллардың нәсилин жақсылаў мақсетинде шет мәмлекетлерден нәсилли қара маллар алып келинбекте. Өткен жылы «Дами ата», «Қарақалпақ нәсил элита» ҳәм «Палўанияз-Нийет» фермер хожалықларына Германия мәмлекетинен 70 бас нәсилли қара маллар алып келинди. Сондай-ақ, «Қоңыратбай-Меҳри» фермер хожалығына Италия мәмлекетинен 710 млн сумға сүтти қайта ислеўши киши цех әкелип орнатылды. Ҳәзирги ўақытта бул цехта жети түрли өним ислеп шығарылмақта. Греция мәмлекетинен бир пайыттың өзинде 16 сыйырдан сүт саўып алатуғын үскене алып келинди.

Усы жылы «Сапаров Шарапатдин» фермер хожалығы 2 млрд 442 млн сум кредит есабынан 15 бас жылқы,  15 бас түйе, 150 бас қара мал сатып алды. Соның менен бирге фермер хожалығы усы жылы от-шөп орыўшы, пресслеўши техникаларды сатып алыўды ҳәм мал қораларына оңлаў жумысларын алып барыўды режелестирген.

Ҳәзирги күнде районымыздағы 80 фермер хожалығына Германиядан ҳасылландырылған қара маллар әкелиў бойынша жумыслар алып барылмақта.

Дерек: nukus.rk.uz

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер