Сенсация! Қанлыкөл районында болып өткен бос жумыс орынлары мийнет ярмаркасында 344 пуқара жумыс пенен тәмийинленди

19-санлы музыка ҳәм көркем өнер мектебинде, жумыссыз пуқаралар ҳәмде әскерий хызметти өтеп келген жаслардың  бәнтлигин тәмийинлеў мақсетинде район ҳәкимлиги, Өзбекстан Жаслар аўқамы районлық Кеңеси ҳәм Бәнтликке көмеклесиў орайы менен биргеликте Олий Мәжилис депутатлары қатнасында бос жумыс орынлары мийнет ярмаркасы өткерилди.

Ярмаркаға район аймағындағы 137 кәрхана, фермер хожалықлары ҳәм исбилерменлик субъектлери жәми 388 бос жумыс орынлары ҳәм вакант лаўазымлары менен қатнасты.

Бос жумыс орынлары ярмаркасында мәмлекетлик кәрханалар тәрепинен усынылған бос жумыс орынларына 21, исбилерменлик субъектлери ҳәм фермер хожалықларына 323 жумыссыз пуқаралардың жумысқа орналасыўы ушын жолламалар берилип, бәнтлиги тәмийинленди.

Соның менен бирге 54 жумыссыз пуқараларға тараў қәнийгелери тәрепинен коммерциялық банклерден жеңиллетилген кредитлер алыў бойынша толық мағлыўматлар берилди.

 

 

 

 

 

Дерек: kanews.uz

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер