Қарақалпақстан Республикасы Прокуроры, ИИМ, МСБ баслығы Шоманайда исбилерменлер мүрәжатын тыңлады

Жақында районымызда исбилерменлердиң мәпин қорғаўға бағдарланған ушырасыў өткерилди. Ушырасыўға қатнасқан райондағы ҳәрекет етип турған исбилерменлер, исбилерменлик пенен шуғылланыўды нийет еткен пуқаралар алдында Қарақалпақстан Республикасы Прокуроры Р.Рахматов, Қарақалпақстан Республикасы Мәмлекетлик салық басқармасы баслығы А.Сапарбаев, Қарақалпақстан Республикасы Министрлер Кеңеси баслығының биринши орынбасары А.Тажетдиновлар елимизде ҳәм республикамызда исбилерменлерди қоллап-қуўатлаў бағдарында шығарылған нызам, ҳүжжетлерди әмелге асырыў бағдарында алып барылып атырған жумыслар ҳаққында кең түрде түсиник берип өтти.

Район ҳәкими Бахадир Янгибаев бул бағдарда районда әмелге асырылып атырған жумыслар бағдарында мағлыўмат берип, исбилерменлерди қоллап-қуўатлаўға қаратылған жумыслар, ўазыйпалар бойынша бағдарлар ҳаққында өз пикирлерин билдирди.

Ушырасыўға келген мийманларға исбилерменлер ҳәм енди ис баслаўға нийетленген пуқаралар өзлериниң машқалалары, қызықтырған сораўлары ҳаққында пикирлерин айтып, еркин пикирлести.

Бүгинги күнниң қаҳарманы болған исбилерменлерди қоллап-қуўатлаў, исбилерменликти раўажландырыў мәмлекет көлеминдеги сиясат дәрежесинде турмысқа асырылмақта. Сонлықтанда районда өткерилген ушырасыў жуўмағында орынлы машқалалар, қызықтырған саўаллардың шешими бойынша тийисли жуўапкер басшыларға ўазыйпалар белгилеп өтилди.

 

 

 

 

 

 

 

 

Қорақалпоғистон янгиликларини телеграмда кузатиб боринг -  https://t.me/kruzuz

 

Бөлимлер