Қанлыкөлде шаңарақлық поликлиникасы реконструкциядан шығарылып пайдаланыўға тапсырылды

Өзбекистан Республикасы Президенти Ш.М.Мирзиёев тәрепинен белгиленген Пәрман ҳәм қарарларда, Республикамызда Ден-саўлықты саклаў системасында пуқаралардың саламатлығын беккемлеў, оларға көрсетилип атырған медициналық-санитариялық хызмет көрсетиўди еледе жетилистириў, материаллық техникалық базасын беккемлеў, пуқараларды патранаж хызмети менен толық қамтып алыў, сондай-ақ дәри-дәрмақлар, маман кадрлар менен тәмийинлеў бойынша берилген тапсырмаларын орынлаўда Қанлыкөл районында бир қатар жумыслар алып барылды.

Ҳүрметли Президентимиздиң 2017-жыл 29-март күнги ПҚ-2857-санлы «Өзбекистан Республикасында бирлемши медициналық-санитариялық жәрдеми мекемелерин шөлкемлестириў еледе жетилистириў ис-илажлары ҳаққында”ғы қарарына муўапық, район аймағында жайласқан 9 аўыллық шыпакерлик пунктлери сапластырылып, 4 аўыллық шаңарақ поликлиника ҳәм 1 аўыллық шыпакерлик пункти болып шөлкемлестирилип, сапластырылған аўыллық шыпакерлик пунктлери имәраты шыпакерлер жасаўы ушын үй-жай сыпатында қалдырылды.

Районлық медицина бирлеспесине қараслы «Арзымбетқум» аўыл пуқаралар жыйыны аймағында жайласқан 18-санлы аўыллық шаңарақ поликлиникасы 766 млн 300 мың сўм муғдарындағы қаржы ажыратылып, инвестиция дәстури тийкарында реконструкция жумыслары алып барылып, 2018-жыл 22-февраль күни пайдаланыўға тапсырылды.

Аўыллық шаңарақлық поликлиникасының ашылыў салтанатында Өзбекистан Республикасы Олий Мәжилис Нызамшылық палатасы депутатлары, Қарақалпақстан Республикасы Жўқорғы Кеңеси комитети баслығы С.Т.Турманов ҳәм район ҳәкимлиги менен тийисли мекемелер басшылары қатнасты.

Дерек: kanews.uz

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер