Әмиўдәрья районында 23 километрлик суў тармағын қайта қурыў жумыслары жуўмақланды

Райондағы Алили-жап каналын реконструкция етиў нәтийжесинде Дүрмен, Аяқшы сыяқлы алыс аймақларында жасайтуғын 20 мыңға шамалас халықтың үй алды жерлери, Халымбет массивиндеги 65 фермер хожалығының 7 мың гектарға шамалас егислик жерлерин ағын суў менен тәмийинлеў жақсыланды.

Бул жумыслар 2014-жылдың март айында райондағы «Амударёдавсувмахсуспудрат» мәмлекетлик унитар кәрханасы тәрепинен әмелге асырылды. Кәрхана тәрепинен жәми 4 миллиард 700 миллион сўмнан аслам қурылыс жумыслары орынланып, 20 дана суў бөлистириў ҳәм басқа да инженерлик гидро үскенелер орнатылды. Алдынлары каналдың суў өткериў қуўатлылығы секундына 3,5 кубометр болған болса, ендиликте бул көрсеткиш 8,3 кубометрге жеткерилди. Нәтийжеде алдын пайдаланылған жүзге шамалас электр суў насосларына мүтәжлик қалмады.

 

Дәрек: ӨзА.

Бөлимлер