"Инглис тили пәнинен қәниге муғаллимлердиң жетиспеўшилиги бар" - Халық билимлендириў министри

«Еркин Қарақалпақстан» газетасында Қарақалпақстан Республикасы Халық билимлендириў министри Аманжол Аяпов пенен сәўбет жәрияланды.

Улыўма билим бериў мектеплеринде 10-класслардың ашылыўына байланыслы сабақлықлар ҳәм педагог кадрлар менен тәмийинлениўи министрликтиң алдына қойылған тийкарғы ўазыйпалардың бирине айланды.

2017-2018-оқыў жылы алдынан 10-класс оқыўшыларын сабақлықлар менен тәмийинлеў мақсетинде оқыў өзбек тилинде алып барылатуғын класслар ушын 18 атамадағы 216270 дана, оқыў рус тилинде алып барылатуғын класслар ушын 18 атамадағы 60210 дана, оқыў қарақалпақ тилинде алып барылатуғын класслар ушын 19 атамадағы 187 398 дана, оқыў қазақ тилинде алып барылатуғын класслар ушын 19 атамадағы 35 910 дана, оқыў түркмен тилинде алып барылатуғын класслар ушын 19 атамадағы 17 136 дана сабақлықларға жәми 93 атамадағы 516 924 дана сабақлықлар ҳәм оқыў қолланбаларға Өзбекстан Республикасы Халық билимлендириў министрлигине буйыртпалар берилген еди. Соннан усы жылдың 20-январына шекем оқыў өзбек тилинде 17 атамадағы,  оқыў рус тилинде 15 атамадағы, оқыў қарақалпақ тилинде 17 атамадағы, оқыў қазақ тилинде 17 атамада, оқыў түркмен тилинде 18 атамадағы жәми 84 атамадағы дана сабақлықлар улыўма орта билим бериў мектеплерине жеткерилип берилмекте.

Сондай-ақ, 10-класслар шөлкемлестирилген улыўма билим бериў мектеплерин қәнигели кадрлар менен толықтырыў жумыслары шөлкемлескенлик пенен алып барылды. Республикамыздағы академиялық лицейлер менен кәсип-өнер колледжлеринде топарлардың қысқарыўы менен ҳәптелик жүклемелери қысқарған улыўма билим бериў пәнлеринен cабақ беретуғын муғаллимлер улыўма билим бериў мектеплерине жумысқа алынып, өз қәнигеликлери бойынша сабақлар менен тәмийинленди.

Деген менен, ҳәзирги ўақытта айырым районлық халық билимлендириў бөлимлерине қараслы ра­йон орайынан шетиректе жайласқан улыўма билим бериў мектеплеринде инглис тили пәнинен қәниге муғаллимлердиң жетиспеўшилиги бар. Бирақ, бул маш­қала кадрларға зәрүрлик бар мектеплерге жақын жердеги мектеплерден саатпай есабына бириктириў арқалы шешилмекте", - дейди министр.

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер