Қанлыкөлде 10 кем тәмийинленген шанарақлардың үй-жайлары оңлаў жумыслары алып барылды

Өзбекстан Республикасы Президентиниң 2017-жыл 12-сентябрь күнги  «Халықтың кем тәмийинленген қатламларын қоллап-қуўатлаўға байланыслы қосымша ис-илажлар ҳаққында»ғы ПҚ-3268-санлы Қарарының орынланыўын тәмийинлеў мақсетинде, Қарақалпақстан Республикасы Жоқарғы Кеңеси тәрепинен тастыйықланған мәнзилли бағдарламалар тийкарында, район ҳәкимлиги, кәсиплик аўқамлары менен биргеликте Қанлыкөл районында қайырсақаўатлық илажлары шеңберинде, кем тәмийинленген, бағыўшысын жоғалтқан, жалғыз баслы нураныйлер, көп балалы социаллық жәрдемге мүтәж шаңарақлардың үй-жайларына оңлаў жумыслары әмелге асырылды.

Өткен 2017-жылы районымызда 10 кем тәмийинленген шанарақлардың үй-жайлары оңлаў жумыслары алып барылды, 6 наўқаслардың саламатлығын жақсылаў бойынша әмелий жәрдемлер көрсетилип, 111 кем тәмийинленген шаңарақ ийелерине күнделикли турмыс шараятында қолланыўы ушын зәрүр болған турмыслық электр буйымлары салтанатлы жағдайда тапсырылды.

Халықтың социаллық қорғаўға мүтәж қатламларын материаллық ҳәм руўхый жақтан қоллап-қуўатлаў бойынша алып барылып атырған илажлардан көзленген мақсет,  халықтың кем тәмийинленгенлик дәрежесин азайтыў ҳәм де халқымыздың турмыс пәраўанлығын асырыўға қаратылған.

Дерек: kanews.uz

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер