«Каракалпакия» шегара постына айланба жоллар арқалы өтип...

Ислеген исиң, еткен ҳәрекетлериң нызам шеңберинде болса, дәўлетиң де, материаллық байлығың да артып бара береди. Ал, нызамға қайшы ҳәрекет етсең өзиң бийабырай болып, жыйнаған байлығыңнан бир майданда айырылып қалыўың турған гәп.

Қараң, 1987-жылы Нөкис қаласында туўылған, «Ботаника бағы» мәкан пуқаралар жыйыны аймағында жасаўшы Серимбетов Қыдырбай Темирбаевич нызамға қайшы ҳәрекет етпегенде суд уйымы оған ең кем айлық ис ҳақының төрт жүз есеси муғдарында жәрийма жазасын тайынламас еди.

Ҳақыйқатында ғәрезсиз мәмлекетимизди үлкен шаңараққа теңесек, усы шаңарақтың есигинен кирип келгенде бәле жоқ, сол жәрийма пулларына жаңа автомашина сатып алып, жақсы нийетке минген болар еди.

Қ.Серимбетов қол ушы талап ислеў ушын Қазақстан Республикасының Атыраў қаласына барады. Бес-алты айды изге салып азы-кем дәраматлы болғаннан кейин үйге қайтыўдың әнжамын көреди, паспортын таба алмайды. Тийкарғы ҳүжжеттиң жоқлығын асырғаннан кейин нызамсыз төте жолларды таңлайды. Нәтийжеде Қазақстан Республикасы «Тажен» шегара постынан республикамыздың «Каракалпакия» шегара постына айланба жоллар арқалы өтип, елимиз аймағына әмелдеги нызам талапларына бойсын­бастан кирип келген.

Оның нызамға қайшы ҳәрекетлери суд уйымы тәрепинен көрип шығылып, тийисли жаза тайынланды.

 Б.ҚУРБАНОВ. 

Дерек: erkinkarakalpak.uz

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер