Шымбайда Жаслар аўқамы Қарақалпақстан Республикасы Кеңеси баслығы сәрдарлары менен ашық ушырасти

Оған Өзбекстан «Жаслар аўқамы» Қарақалпақстан Республикасы Кеңеси баслығы А.Данияров, Қарақалпақстан Республикасы Министрлер Кеңеси жас өспиримлер бойынша мәкемелер-аралық комиcсиясы жуўаплы хаткери Т.Алиев, район ҳәкиминиң жаслар сиясаты, социаллық раўажландырыў ҳәм руўхый-ағартыўшылық ислери бойынша орынбасары У.Қалилаевлар қатнасты.

Онда жетекши ҳәм сәрдарлар тәрепинен бир қанша пикир-усыныслар билдирилди. Атап айтқанда, Шымбай тәжирийбеси тийкарында ата-аналарға миннетдаршылық почтасын шөлкемлестириў арқалы «алғыснама» жоллаў, ҳәрбир мектепте «Камалак» бағын жаратыў ушын жер қыйтағын ажыратыў, ҳәрбир оқыўшы өзиниң жол картасын ислеп шығыў, «Нөкис ФМ» радиосының еситтириўлерин Шымбайда тыңлаў мүмкиншилигин жаратыў ҳәм басқа да усыныслар билдирилди.

Ушырасыў соңында А.Данияров Шымбай районындағы басланғыш жетекшилери ҳәм сәрдарларын басқа районларда мастер-класс шөлкемлестиретуғынлығын айтып өтти ҳәм ушырасыўға жоқары шөлкемлескенлик пенен қатнасқан жетекши ҳәм сәрдәрларға жоқары баҳа берди.

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер