Қарақалпақстанлы дзюдошы қыз европа ашық бириншилигинде гүмис медаль ийесине айланды

Туркия Республикасының Анталия қаласында болып өткен Европа ашық турниринде Өзбекстаннан 6 дзюдошы қатнасты.

Жас өспиримлер арасында өткерилген беллесиўлерде қарақалпақстанлы палўан қыз Нилуфар Эрмагамбетова 52 килограммға шекемги салмақ категориясында финалға шекемги беллесиўлерди табыслы жуўмақлады. Финалда монголиялы Лхагвасурен Сосорбарам менен болған беллесиўде оған бираз әўмет жетиспеди. Усылайынша ол Европа ашық турниринде гүмис медаль ийесине айланды.

Мағлыўмат ушын, бул турнир Аргентинада болып өтетуғын жас өспиримлер Олимпиадасына рейтинг очколарын береди.

Ислам Матеков.

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер