Кегейлиде Өзбекстан-Қытай қоспа кәрханасы курылыўы режелестирилмекте

Кегейлиде усы жылы «Lanko Miya» Өзбекстан-Қытай қоспа кәрханасы курылыўы режелестирилмекте.

Бул  кәрхана тийкарынан формацевтика препаратларын ислеп шығарыўға бағдарланған. Жылына 30 мың тонна боян тамырын қайта ислеў арқалы 1000-1500 тонна  экстракт ислеп шығарыў  күтилмекте. Район турғынлары ушын үлкен жаңалық болған кәрхана усы жыл 1-июлде  иске түсиўи нәзерде тутылған.

«Lanko Miya» жуўапкершилиги шекленген жәмийети өткен жылдың май айында дүзилген болып, усы жылы кәрханамызға коммуникация технологиялары ҳәм әсбап-үскенелер алып келинип, орналастырылады. Районда быйылғы жылы 29 мың гектар жерге боян тамыр егиў күтилмекте. Кәрхана иске түскеннен кейин 200 жаңа  жумыс орны жаратылады.

Жойбардың улыўма суммасы 3 млн. 760 мың АҚШ долларын қурайды.

https://t.me/huqiqiymalimleme

Бөлимлер