«Қарақалпақстан» – ең үлгили мәкан пуқаралар жыйыны

Пайтахтымызда «Ең үлгили өзин-өзи басқарыў органлары» таңлаўының Қарақалпақстан Республикалық басқышы болып өтти.

Онда республикамыздың барлық район ҳәм қалаларынан жәми 15 мәкан пуқаралар жыйыны қатнасты. Қатнасыўшыларды баҳалаўда тараўға байланыслы нызамшылық ҳүжжетлер бойынша билими ҳәм мәкан турмысында ушырасатуғын ҳәр қыйлы машқалаларды шешиўдеги тәжирийбеси басшылыққа алынды. Таңлаў жуўмағына муўапық, Қоңырат районындағы «Қарақалпақстан» посёлкалық пуқаралар жыйыны биринши орынды ийелеп, Өзбекистан көлеминде өткерилетуғын жуўмақлаўшы басқышқа жоллама алды.

Илаж шеңберинде мәкан пуқаралар жыйынларында өндирилген өнимлер менен миллий өнерментшилик буйымларының көргизбеси шөлкемлестирилди.

 

Дәрек: ӨзА.

Бөлимлер