Қанлыкөлге 10 «Damas» маркалы автомобиль ҳәм 2 автобус алып келиниўи көзде тутылған

Өзбекстан Республикасы Президенти Ш.М.Мирзиёев тәрепинен «Автомобиль транспортын басқарыў системасын еледе жетилистириў ис-илажлары ҳаққында»ғы Қарары тийкарында, соңғы жылларда республика экономикасы ҳәм халқына автотранспорт хызметин көрсетиўди жақсылаў бойынша кең көлемли жумыслар әмелге асырылмақта.

Соның менен бирге, автотранспорт хызметлери тараўын раўажландырыўдың барлық имканиятлары ҳәм захираларынан толық пайдаланыў мақсетинде автотранспорт хожалықларын модернизациялаў заманагөй талаплар дәрежесинде, тараўда алдыңғы ахборот – коммуникация технологиялары ҳәм интеллектуал транспорт системасы енгизилмекте.

Буннан тысқары, жолаўшы тасыў барысы, қатнаў кестесине әмел етиў, қадағалаў системасын жолға қойыў, автомобильде жолаўшы тасыў ҳәм жол ҳәрекети қәўипсизлигин тәмийинлеў бойынша қадағалаў илажларын түптен күшейтиў, районымызда жолаўшы тасыў ҳәм жаңадан заманагөй автотранспорт қураллары менен тәмийинлеўге, жаңадан автомобиль тоқтаў орнын жаратыў, бар болған авто бәндиргилерин ҳәм автомобиль тоқтаў орынларына заманагөй типте реконструкция жумысларын әмелге асырыўға шараятлар жаратылды.

Буған мысал сыпатында, район орайына жақын ҳәм алыс халық жасаўшы пунктлерге жөнелисли автомобиль қатнаўының жолға қойылыўы, халыққа қолайлық жаратыў мақсетинде районда жумыс алып барып атырған «Viking express trans» ЖШЖ тәрепинен 10 «Damas» маркалы автомобиль ҳәм 2 автобус алып келиниўи көзде тутылған. Соның менен бирге, «Jalgas avto trans» ЖШЖ тәрепинен қурылыс жумыслары жуўмақланыўы қарсаңында турған «Қанлыкөл Дийқан базары» аймағынан халыққа қолайлықлар жаратыў мақсетинде жолаўшылар күтиў орайы қурылмақта.

Дерек: kanews.uz

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер