#Navruz2018 Қараөзек районында “Наўрыз” байрамы өткерилди

Наўрыз байрамы қарсаңында өткерилетуғын шембиликлер арқалы әтирапта тазалық, абаданлық тәмийнленсе, кексе ҳәм бийтаплар ҳалынан хабар алыў сыяқлы халқымыз ушын тән болған пазыйлетлердиң әмелге асырылыўы ҳәм байрам менен қутлықлаў, бир-биреўге ҳүрмет-иззет көрсетиў арқалы да «Наўрыздан — наўрызға жеткерсин» деген уллы тилеклерде көринеди.

Тийкарғы байрам салтанаты район орайындағы стадионда өткерилип, онда район ҳәкими Д.Утемуратов  пүткил халқымызды байрам менен қутлықлаў арқалы ҳәр бир кеўилге бәҳәрий кейпият, жаңалық ҳәм жаратыўшылық ислерине жол ашыўын, зәбердес дийханларға күш-ғайрат, исбилерменлерге жаңаша баслама, халқымызға аманлық тиледи. Буннан соң сөз алған мийманлар тәрепинен бүгингидей пәраўан турмыста ҳәр күнимиз байрамларға толы болыўын өз тилеклеринде билдирип өтти. Байрамның ҳақыйқый кулминациясы миллий тағамлар ҳәм өнерментлер көргизбеси, миллий намаларға тийкарланған концерт бағдарламасында болып, онда ҳәр бир жәмәәттиң айрықша итибары менен таярлаған миллий кийимлерде тағамлар ҳәм өнерментлер алтын қолынан дөреген көргизбелери, сүмелек, Наўрыз гөже ҳәм басқада миллий тағамлардан дәм татыў, жаслардың әткөншек әтирапындағы кеўилли мәўритлери менен және де өзгеше түс алды. Райондағы ат шабар майданында өткерилген бәйги ҳәм ат шабысы болса миллий ойынларға қызыққан кеўиллерге байрам кейпиятын усына алды. Әсиресе бас байрақ ушын тартыслар, районымыз ат сейислериниң ықласы менен тапланған атлардың ҳәрекетлери бәҳәр самалын да жибите алғандай түйиледи.

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер