Шымбайда лапгөйлер ҳәм қызықшылар таңлаўы болып өтти

Шымбай районыда «27-март — Халық-аралық театрлар күни» мүнәсибети менен Қарақалпақстан Республикасы Мәденият Министрлиги тәрепинен шөлкемлестирилген «Хош кейпият» атлы лапгөйлер ҳәм қызықшылардың республикалық басқышы болып өтти. Оған барлық районлардан ҳәм Нөкис қаласынан келген қызықшылар қатнасты. Таңлаўға келген мийманлар дәслеп, район орайында жайласқан «Өмирбек лаққы» естелигине гүл шеңберлер қойды.

Таңлаўға қатнасыўшылар тийкарынан бүгинги күнги тойларымыздағы ысырапгершиликлердиң алдын алыў, болар болмас қәде-қәўметлерге тыйым салыў, байлыққа қызығып өз перзентлерин бахытсызлыққа ийтермелеў, руўхый байлықтан материаллық байлық үстем екенлиги сәўлелендирген көринислер арқалы тамашагөйлерге жеткерилип берилди.

Таңлаў жуўмағы бойынша «Театр» жөнелиси бойынша 1-орынды Шымбай, 2-орынды Тахтакөпир, 3-орынды болса, Төрткүл районынан келген қызықшылар ийеледи. «Ең жақсы қызықлы спектакль» жөнелиси бойынша 1-орын Тахтакөпир, 2-орын Шымбай, 3-орын Хожели районы ылайық деп табылды. Ал, белсене қатнасқаны ушын Қараөзек, Қанлыкөл, Шоманай, Кегейли районлары театрлары «Ҳүрмет жарлық» пенен сыйлықланды. Сондай-ақ, 1-орынды ийелеген Шымбай ҳәм Тахтакөпир районлары Өзбекстан көлеминдеги басқышына қатнасыў ҳуқықын бериўши жолламаға ийе болды.

Жеңимпазларға шөлкемлестириўшилер тәрепинен диплом ҳәм баҳалы саўғалар тапсырылды.

 

 

 

 

 

 

 

 

 

 

 

 

 

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер