«Ватанпарвар» шөлкеми Қараөзек районлық оқыў спорт техника клубының ашылыўы мәресими болып өтти

Қараөзек районында «Ватанпарвар» шөлкеми оқыў спорт техника клубының  ашылыў мәресими болып өтти.

Онда район ҳәкими Д.Утемуратов,   Өзбекстан  қорғаныўына көмеклесиўши «Ватанпарвар» шөлкеми Қарақалпақстан Республикасы  бойынша орынбасары М.Шамуратов, спорт бойынша орынбасары Ж.Досанов, Пуқаралардың өзин-өзи басқарыў уйымлары жумысларын муўапықластырыў бойынша Қараөзек районлық Кеңеси баслығы орынбасары М.Гулимбетов, кең жәмийетшиликтен ҳәм ғалаба хабар қураллары  ўәкиллери қатнасты.

Ватанпарвар шөлкеми Караөзек оқыў спорт техника клубы өз жумысын баслады ҳәмде бүгинги күнге шекем жәми 50 оқыўшы «В» тайпасы бойынша оқытылып,  гуўалықлары берилди. Ҳәзирде жигирма бес  оқыўшы оқытылмақта. Салтанатлы ашылыў мәресиминде усы ўақытқа шекем автомашина басқарыўды үйрениў бойынша пайтахтқа ҳәм басқада қоңсы районларда тәлим алып келген район халқы ушын бүгинги күнде ашылған клубтың жөнелислери ҳәм қолайлықлары, жаратылған шараятлар  атап өтилип, алдағы ўақытларда бул жерде билим алған оқыўшылардың автомобиль басқарыў қағыйдаларын меңгериўине толық мүмкиншилик бар екенлигин айтып өтти.  Буннан соң шөлкемде жаратылған шараятлар ҳәм ондағы инвентарлар, автодром ҳәм автомашиналар көзден өткерилип, мийманларға таныстырылды.

Қорақалпоғистон янгиликларини телеграмда кузатиб боринг -  https://t.me/kruzuz

Бөлимлер