Қарақалпақстанда жылытыў мәўсими жуўмақланбақта

Елимизге бәҳәр пасылы кирип келип, ҳаўа райының кескин жылыўына байланыслы барлық тутыныўшыларда жылытыў системасына мүтәжликтиң болмайтуғыны бәримизге белгили.

Усы мүнәсибет пенен Қарақалпақстан Республикасы Министрлер Кеңесиниң бийлигине (72-б) муўапық тутыныўшыларға жеткерилип берилетуғын тәбийғый газди үнемлеў ҳәм оннан пайдаланыўды тәртиплестириў мақсетинде Қарақалпақстан Республикасы аймағында барлық түрдеги тутыныўшылар ушын 2018-жыл 6-апрельден баслап жылытыў мәўсиминиң тамамланыўы белгиленди.

Еслетип өтемиз, Қарақалпақстан Республикасы Министрлер Кеңесиниң усы бийлигине муўапық елимиздеги барлық мәкеме-кәрханаларға, мәмлекетлик басқарыў уйымларына 2018/2019 жыллар ушын жылытыў мәўсимине объектлерди таярлаў жумысларын өз ўақтында тәмийинлеў тапсырмасы берилген.

Қарақалпақстан Республикасы Министрлер Кеңесиниң  Мәлимлеме хызмети

Қарақалпақстан Республикасы Министрлер Кеңесиниң Мәлимлеме хызмети

Бөлимлер