Қанлыкөлде мектепке таярлаў топары тәрбияшылары өз ара тәжирийбе алмасты

Қанлыкөлде мектепке таярлаў топары тәрбияшылары өз ара тәжирийбе алмасты

Қанлыкөл районы Мектепке шекемги билимлендириў мекемелери бөлимине қараслы 3-санлы мектепке шекемги билимлендириў мекемесинде тастыйықланған ис-реже тийкарында, район аймағындағы мектепке шекемги билимлендириў мекемелериниң мектепке таярлаў топары тәрбияшылары  арасында өз-ара тәжирийбе алмасыў семинары өткерилди. Бул ҳаққында район ҳәкимлиги хабар бермекте.

Семинар барысында, мектепке таярлық топары тәрбияшыларының қатнасында, «Тәбият пенен таныстырыў» бөлиминде «Палыз егинлери» темасында Хожаметова Рая ҳәм «Дөгерек әтирап пенен танысыў» бөлиминде «Үлкенлердиң мийнети» темасында Далжанова Мадиналар тәрепинен ашық сабақлар өтилди.

Ашық сабақлар мысалында, Ана тәбиятымыз, қоршаған орталық олардағы реңлер менен таныстырыў, шаңарақтағы ҳәм билимлендириў мекемелериндеги дәслепки тәрбия, билим, көнликпелерин сиңдириў, тәрбияланыўшылардың оқыўға болған қызығыўшылығын арттырыў, келешекте жетик билим ийелеўи ушын  басланғыш билимге ийе болыўы ушын ҳәзирги ахборот технологияларынан пайдаланған ҳалда заманагөй педагогикалық технологиялар жәрдеминде сабақ өтиў   усылларын өзлестириў бойынша сәўбетлесиўлер болды ҳәмде өз-ара тәжирийбе алмасты.

Бөлимлер