Қанлыкөл аймағында «абат аўыл» бой тиклемекте

Өзбекстан Республикасы Президентиниң 2018-жылы 29-марттағы «Абат аўыл» дәстүрин 2018-жылда әмелге асырыў бойынша қосымша ис-илажлары ҳаққында»ғы ПҚ-3630-санлы ҳәм усы тийкардағы Қарақалпақстан Республикасы Министрлер Кеңесиниң 2018-жыл 30-марттағы 214-санлы қарарының орынланыўын тәмийинлеў мақсетинде, райондағы «Бескөпир» ҳәм «Бостан» аўыл пуқаралар жыйынлары аймақларын «Абат аўыл» дәстүри негизинде абаданластырыў ҳәм қурылыс жумысларын  алып барыў белгилеп алынды ҳәмде  белгиленген параметрлердиң орынланыўын өз ўақтында ҳәм толық тәмийинлеў бойынша системалы мониторинг жолға қойылған.

Бул жердеги үй–жайлар, имаратлар, инфроструктура объектлери, жол–транспорт ҳәм инженеринг коммуникациялардың техникалық жағдайын үйрениў ҳәмде оларда қурылыс, реконструкция қылыў ҳәмде оңлаў жумысларын әмелге асырыў, техникалық талапларға жуўап бермейтуғын яки нызамсыз жағдайда қурылған имаратлар ҳәм қурылмалардың бузылыўы ҳәмде өз басымшалық пенен ийелеп алынған жер майданлары район ҳәкимлигиниң захира фондына алыныўын тәмийинлеў илажлары көрилди.

Райондағы «Бескөпир» аўыл пуқаралар жыйыны аймағында халқының саны 4968 адам болып, 756 хожалықларда жасамақта. Аймақта, «Агро бизнес Қонликўл» ЖШЖ тәрепинен 28 мың бас таўықка арналған  қусшылықты шөлкемлестириў режелестирилген болып, онда 15 жаңа жумыс орны жаратылады ҳәмде «Асембағ» жеке кәрханасы тәрепинен 50 орынға арналған жеке меншик мәмлекетлик шерикшилик тийкарында, мектепке шекемги билимлендириў мекемелерин шөлкемлестириў нәзерде тутылған.

Сондай-ақ,  аймақтағы 13-санлы улыўма билим бериў мектебине капитал оңлаў жумысларын алып барыў, 2 км пиядалар жолын оңлаў, 30 дана көше шырақларын (диод лампалар) орнатыў, 0,06 га жер майданларына гүлзарлыққа айландырыў, 2,1 км магистрал суў тармақларына реконструкция қылыў,  2 дана трансформаторларды жаңадан орнатыў ҳәм 0,39 км ишки жолларды оңлау жумыслары алып барылмақта.

Райондағы «Бостан» аўыл пуқаралар жыйынында 3268 халқы 543 хожалықларда жасап келмекте. Аймақта «Садиқов Сабиржон» фермер хожалығы тәрепинен нәсилли 500 бас қара мал алып келип көбейтиў есабынан халықтың сүт ҳәм гөш өнимлерине болған талабын турақлы тәмийинлеў режелестирилген болып, бунда 20 жаңа жумыс орнын жаратыў белгиленген.

Сондай-ақ, аймақтағы 8-санлы улыўма билим бериў мектебинде ҳәмде 12-санлы мектепке шекемги билимлендириў мекемесине капитал оңлаў жумысларын алып барыў, 0,7 км пиядалар жолын оңлаў, 20 дана көше шырақларын орнатыў, 0,06 га жер майданда гүлзарлыққа айландырыў, 2,0  км магистрал суў тармақларын, 2 км көше тармақларын реконструкция қылыў ҳәмде 1,15 км ишки жолларды оңлаў жумыслары алып барылмақта.

Аймақ халқы Президентимиздиң басламасы менен әмелге асырылып атырған «Абат аўыл» дәстүри негизинде, «Бескөпир» аўыл пуқаралар жыйыны пуқаралары Б.Вайсов 50 орынлық балалар бақшасының қурылысы, М.Тайров суў, жол тармақларының оңланыўы ҳаққында, «Бостан» аўыл пуқаралар жыйыны пуқаралары Н.Султамуратов «Абат аўыл» пәрманы бойынша, О.Сейтмуратова аўылды қала типинде көриў, бул үлкен жаңаланыў екени ҳаққында айтып, Қ.Қалбаев ҳәмде басқалар халқымыз ушын жаратылған шараятлар ушын Ҳүрметли Президентимизге миннетдаршылығын билдирмекте.

 

 

Қорақалпоғистон янгиликларини телеграмда кузатиб боринг -  https://t.me/kruzuz

Қорақалпоғистон янгиликларини facebook'да кузатиб боринг - https://www.facebook.com/groups/kruz.uz/

Қорақалпоғистон янгиликларини instagram'да кузатиб боринг - https://www.instagram.com/kruz.uz/

Бөлимлер