Мәжбүрий мийнет нызам менен қадағаланған

Өзбекстан Республикасы Конституциясының 37-статьясына көре суд ҳүкими менен тайынланған жазаныт өтеў тәртибинен ямаса нызамда көрсетилген басқа жағдайлардан тысқары мәжбүрий мийнет қадаған етиледи.

«Халықты жумыс пенен тәмийинлеў ҳаққында»ғы Нызамның 2 – статьясы ҳәмде Мийнет кодексиниң 7-статьясына муўапық, мәжбүрий мийнет, яғный қандайда-бир жазаны қоллаў менен басым өткериў арқалы (соның ишинде мийнет тәртибин сақлаў қуралы ретинде) жумыс орынлаўға мәжбүрлеў қадаған етиледи.

Ҳәкимшилик жуўапкершилик ҳаққындағы кодексиниң 51-статьясына көре:

мийнетке қандайда бир түрде ҳәкимшилик тәризде мәжбүрлеў ең кем ис ҳақының бир есесинен үш есесине шекем муғдарда жәрийма салыўға себеп болады;

усындай ҳуқықбузарлық ер жетпеген шахсға қарата исленген болса – ең кем ис ҳақының бес есесинен он есесине шекем муғдарда жәрийма салыўға себеп болады. 

Соның менен бирге, төмендеги жумыслар мәжбүрий мийнет деп есапланбайды:

әскерий ямаса альтернатив хызмет ҳақкындағы нызамлар тийкарында;

айырықша жағдай жүз берген шәриятларда;

судтың нызамлы күшге кирген ҳүкими менен;

нызамда нәзерде тутылған басқа жағдайларда орынланыўы лазым болған жумыслар (маселен, ҳәкимшилик қамаққа алынған шахслардан физикалық жумысларда пайдаланыў). 

Дерек: https://t.me/huqiqiymalimleme

 

Қорақалпоғистон янгиликларини телеграмда кузатиб боринг -  https://t.me/kruzuz

Қорақалпоғистон янгиликларини facebook'да кузатиб боринг - https://www.facebook.com/groups/kruz.uz/

Қорақалпоғистон янгиликларини instagram'да кузатиб боринг - https://www.instagram.com/kruz.uz/

Бөлимлер