Шымбайда чемпионлар менен ушырасыў болып өтти

Усы жыл 22-февраль — 5-март күнлери аралығында Бирлескен Араб Əмирликлериниң Дубай қаласында қылышпазлық бойынша кадетлер ҳәм жас өспиримлер арасында Азия чемпионаты болып өтти. Онда Өзбекстанлы кадетлер сабля жөнелисинде гүмис ҳәм қола медальларын қолға киргизди.

Қуўанарлысы Өзбекстан сайланды камандасы қурамында төрт спортшы қатнасқан болса, солардың екеўи Қарақалпақстанлы спортшылар болып табылады. Олардан ерлер арасында Нөкис мелиорация ҳәм суў хожалығы колледжи оқыўшысы Шерзод Мамутов ҳәм ҚР ХБМне қараслы 2-санлы қәнигелестирилген мәмлекетлик улыўма билим бериў мектебиниң 9-класс оқыўшысы Пазыл Генжебаев,  ал, қызлар арасында Өзбекстан сайланды камандасы ағзасы, Нөкис Олимпия резервлери коллежиниң оқыўшысы, өткен жылы Президентимиз тәрепинен «Нексия» автомашинасы менен сыйлықланған  Зайнаб Дайыбекова өзиниң шешиўши соққыларын жоллап, камандасының жеңисин тәмийинлеген еди.

Чемпионлар 18-апрель күни Шымбай районында болып, педагогика колледж жаслары менен ушырасыў кешеси болып өтти. Илажда  спортшылардың тренери Дәўирбек Жиемуратов  сөзге шығып, шәкиртлериниң табысы ҳәм жетискенликлери ҳаққында айтып өтти. Буннан кейин чемпионлардың ата аналары сөзге шығып, усындай шараятларды жаратып берип атырған Президентимизге, елимиздиң басшыларына миннетдаршылығын билдирди.

 Илажда коледж жаслары өзлерин қызықтырған сораўларын берип, тийисли жуўапларын алды.

 Усындай ушырасыу 4-саны улыўма билим бериў мектебинде де болып өтти.

 

 

 

 

 

Қорақалпоғистон янгиликларини телеграмда кузатиб боринг -  https://t.me/kruzuz

Қорақалпоғистон янгиликларини facebook'да кузатиб боринг - https://www.facebook.com/groups/kruz.uz/

Қорақалпоғистон янгиликларини instagram'да кузатиб боринг - https://www.instagram.com/kruz.uz/

Бөлимлер