Кегейли районында мектепке шекемги билимлендириў мәкемеси өз жумысын баслады

Районда бүгинги күнге шекем 16 мәмлекетлик мектепке шекемги билимлендириў мәкемеси болып, онда 1648 бала тәрбияланып атыр. Усы жылы районда белгиленген Дәстүр бойынша жәми 8 мәмлекетлик жеке меншик шериклик тийкарында мектепке шекемги билимлендириў мәкемеси иске түсирилиўи режелестирилген.

Апрель айында райондағы Нурлы бостан МПЖ аймағынан 50 орынлық «Гөззал-Тумарис» мәмлекетлик жеке меншик шериклик тийкарында мектепке шекемги билимлендириў мәкемеси өз жумысын баслады. Балалар бақшасы ашылған күнниң өзинде 25 баланы қамрап алды. Бул бақшада балаларға шет тиллерин үйретиў, спорттың көркем гимнастикасы бойынша  дөгереклер шөлкемлестириў белгиленген.

Ашылыў салтанатына район ҳәкими М.Абдиров, район прокуроры Ш.Аберкулов, Мектепке шекемги билимлендириў бөлими баслығы Б.Туремуратова ҳәм районның бир қатар белсендилери қатнасты.

Қорақалпоғистон янгиликларини телеграмда кузатиб боринг -  https://t.me/kruzuz

Қорақалпоғистон янгиликларини facebook'да кузатиб боринг - https://www.facebook.com/groups/kruz.uz/

Қорақалпоғистон янгиликларини instagram'да кузатиб боринг - https://www.instagram.com/kruz.uz/

Бөлимлер