Рустам Джангабаев Рио Олимпиадасында биринши орынды қолға киргизди

Хабарыңыз бар, Бразилияның Рио-де-Жанейро қаласында өткерилип атырған XXXI жазғы Олимпиада ойынларының аўыр атлетика беллесиўлеринде жерлесимиз, Тақыятас аўыр атлетика мектебиниң тәрбияланыўшысы Рустам Джангабаев +105 кг салмақ категориясы бойынша «Б» топарында қатнаспақта. 17-августқа өтер түнде «Б» топарының 12 атлети арасында беллесиўлер болып өтти. Онда Рустам дәс көтериўде 195 кг, силтеп көтериўде болса 237 кг, еки гүрес жуўмақлары бойынша 432 кг салмақты өзине бойсындырып, өз топарында биринши орынды ийеледи. Жерлесимиздиң Олимпиада медальларының бирине ийелик етиўи «А» топарындағы атлетлердиң көрсететуғын нәтийжесине байланыслы болып тур. Нәтийже қандай болмасын, Рустам Джангабаев қарақалпақ спортшыларының қүдиретин дүнья жүзине көрсетти. Оның Рио Олимпиадасы жеңимпазлары қатарында болыўына тилеклеспиз.

 

Ислам МАТЕКОВ таярлады.

Бөлимлер