Қоңыратлы Худайберген ҳәм Камал ата: тыныш ҳәм абадан турмысымызға шүкир етейик…

Елимизде 9-май улыўмахалықлық байрамы – Еслеў ҳәм Қәдирлеў күниниң өткерилиўи, сондай-ақ, Екинши жер жүзилик урысында қайтыс болғанлардың естелигин мәңгилестириў, бүгинги күде де қатарымызда турып, Ўатанымыздың абырай-мәртебесин арттырыўға, жасларды руўхый-әдеп-икрамлылық жақтан тәрбиялаўға үлес қосып атырған ветеранларды қәдирлеў ҳәм фашизм үстинен ерисилген жеңистиң 73 жыллығы белгилениўи мүнәсибети менен урыс қатнасаўшыларын ҳәм майыплығы болған шахсларды материаллық жақтан хошаметлеў мақсетинде кең көлемли илажлар әмелге асырылмақта.

Бул бағдарда Өзбекстан Республикасы Президентиниң усы жыл 16-апрельдеги  “Екинши жер жүзилик урыс қатнасыўшыларын хошаметлеў ҳаққында”ғы пәрманы ҳәм «Еслеў ҳәм қәдирлеў күнине таярлық көриў ҳәм оны өткериў илажлары ҳаққында”ғы қарары айрықша әҳмийетке ийе.

Усы пәрман ҳәм қарардың орынланыўын тәмийинлеў бойынша Қарақалпақстан Республикасы Министрлер Кеңеси Баслығының орынбасары – Ҳаял-қызлар комитетиниң баслығы З.Ибрагимова Қоңырат районында жасаўшы, екинши жер жүзилик урыс қатнасыўшылары Худайберген ата Хожақметов ҳәм Камал ата Юсуповлардың шаңарағында болып, урыс қатнасыўшыларын фашизм үстинен ерисилген жеңистиң 73 жыллығы мүнәсибети менен шын-жүректен қутылықлады.

Өз нәўбетинде ветеранлар Худайберген ҳәм Камал аталар тыныш ҳәм бахытлы турмысымызға шүкиршилигин билдирип, Ҳүрметли Президентимизге терең миннетдаршылдық билдирди.

Қарақалпақстан Республикасы Министрлер Кеңеси тәрепинен усы бағдардағы илажлар даўам етпекте.

Мағлыўмат орнында:  Қоңырат районынан Екинши жер жүзилик урысына жәми 3672 пуқара қатнасқан болса, соннан 812 си саўаш майданында қайтыс болған ҳәм 823 и бийдәрек жоғалған. Урыстан Ўатанымызға 2037 адам жеңис пенен қайтты. Ҳәзирги күнде олардан тек ғана жоқарыдағы еки ветеран тыныш-татыў турмысымызда жасамақта.

Қарақалпақстан Республикасы Министрлер Кеңесиниң Мәлимлеме хызмети

 

Қорақалпоғистон янгиликларини телеграмда кузатиб боринг -  https://t.me/kruzuz

Қорақалпоғистон янгиликларини facebook'да кузатиб боринг - https://www.facebook.com/groups/kruz.uz/

Қорақалпоғистон янгиликларини instagram'да кузатиб боринг - https://www.instagram.com/kruz.uz/

Қорақалпоғистон янгиликларини odnoklassniki'да кузатиб боринг - https://www.ok.ru/kruz.uz

Бөлимлер