Абатбай Данияров Шымбай жасларына үлкен исеним билдирди

Елимизде жасларды Ўатан сүйиўшилик, миллий қәдириятларымызға ҳүрмет, руўхый дүньясы жетик ҳәм физикалық жақтан бәркамал әўладты кәмалға келтириў, олардың ҳуқықлары менен мәплерин қорғаў бойынша бир қатар илажлар әмелге асырылмақта.

Жақында районымыздағы академиялық лицейде Өзбекстан Жаслар аўқамы районлық кеңесиниң конференциясы болып өтти. Дәслеп Өзбекстан Жаслар аўқамы районлық кеңесиниң баслығы Р.Жумамуратовтың есабаты тыңланды. Буннан соң Жаслар аўқамының республикалық кеңеси баслығы А.Данияров, район ҳәкиминиң орынбасары У.Қалилаевлар шығып сөйледи.

Жыйналыста Жаслар аўқамының еки мәселеси қаралып, бунда Жаслар аўқамының өткен дәўирдеги исленген жумыслары ҳәм республикалық кеңеске районымыздан қатнасыўшы делегатларды дизимин тастыйықлап алыў бойынша усыныслар киритилди.

Сондай-ақ, илаж даўамында А.Данияров «Камалак билимданлары» таңлаўының Қарақалпақстан Республикалық басқышында 45-санлы мектептиң «Көзмоншақ» командасының 1-орынды алып, Өзбекстан Республикасында болып өтетуғын басқышқа жоллама алғанлығы менен қутлықлады ҳәм оларға әўмет тиледи.

Илажда 8-санлы «Балалар музыка ҳәм көркем-өнер мектеби»ниң басланғыш шөлкем сәрдары, Өмирбек лаққының жолын даўам еттириўши күлки шебери Ақылбек Бекмуратов өзиниң актёрлық талантын көрсетти ҳәм юмор-сатиралық қосықларынан оқып берди.

Илаж соңында оқыўшылар өзлериниң пикир-усынысларын билдирип, тийисли сораўларына жуўаплар алды.

Қорақалпоғистон янгиликларини телеграмда кузатиб боринг -  https://t.me/kruzuz

Қорақалпоғистон янгиликларини facebook'да кузатиб боринг - https://www.facebook.com/groups/kruz.uz/

Қорақалпоғистон янгиликларини instagram'да кузатиб боринг - https://www.instagram.com/kruz.uz/

Қорақалпоғистон янгиликларини odnoklassniki'да кузатиб боринг - https://www.ok.ru/kruz.uz

Бөлимлер