«Сары алтын автотех» жеке меншик кәрханасы өз жумысын баслады

Өзбекстан Республикасы Президентиниң 2017-жыл 8-август күнги «Аймақлардың жедел социаллық экономикалық раўажланыўын тәмийинлеўге байланыслы ис-илажлар ҳаққында»ғы қарары талапларының орынланыўы бойынша бир қатар илажлар әмелге асырылмақта.

Қанлыкөл районы «Қосжап» аўыл пуқаралар жыйыны аймағы турғыны жас исбилермен Бахытбай Нагизов аймақ халқының тилеклери менен усыныслары тийкарында «Сары алтын автотех» автомобильлерге хызмет көрсетиўши жеке меншик кәрханасы жумысын жолға қойды.

Алдынлары қала ҳәм районларда автомобиль хызмет көрсетиў орынларына баратуғын аймақ турғынлары кәрханада жеңил автомобиллерге көрсетилетуғын заманагөй хызмет түрлери, сапасы менен сыпатына ҳәмде колледж питкериўшилерин турақлы жумыс пенен тәмийинлеген жас исбилермен жумысына унамлы баҳа берди.

Келешекте жеке кәрхананы кеңейтип жаңа жумыс орынларын жаратып, халықтың бәнтлигин тәмийинлеўде ҳәмде районымыздың экономикалық потенциалын асырыўға, Ўатанымыздың раўажланыўына өзиниң үлесин қосыўды режелестирген.

 

 

Дерек: kanews.uz

 

Қорақалпоғистон янгиликларини телеграмда кузатиб боринг -  https://t.me/kruzuz

Қорақалпоғистон янгиликларини facebook'да кузатиб боринг - https://www.facebook.com/groups/kruz.uz/

Қорақалпоғистон янгиликларини instagram'да кузатиб боринг - https://www.instagram.com/kruz.uz/

Қорақалпоғистон янгиликларини odnoklassniki'да кузатиб боринг - https://www.ok.ru/kruz.uz

Бөлимлер