Қараөзекде мектепке шекемги билимлендириў мәкмеси иске түсти (фото)

Өзбекистан Республикасы Президентиниң 2017-жыл 9-сентябрьдеги ПҚ-3261-санлы қарарының 11-бәнтине тийкарланып, мектепке шекемги билимлендириў мәкемелерин қурыў  ҳәм реконструкция қылыўға ири хожалық жүритиўши субъектлерди тартыў, инвентаризация нәтийжелери ҳәмде жаңа турақ жай массивлерин қурыўға байланыслы районда 2018-жылда мәмлекетлик-жеке меншик шерикшилиги тийкарында 10 мектепке шекемги билимлендириў мәкемесин шөлкемлестириў режелестирилген. Соннан 5 еўи жер орын ажыратып бериў арқалы жаңадан қурылады,      4 еўи “ноль” баҳада пайдаланылмай бос турған имарат ҳәм биналарды алып реконструкция қылыў арқалы ҳәм 1 еўи турақ жайды натурар жайға айландырыў арқалы әмелге асырылады.

Бүгинги күнге келип “Алғабас” АПЖ аймағындағы 30 орынға мөлшерленген «DILBAR SHAXZADA» мәмлекетлик емес мектепке шекемги билимлендириў мәкемесиниң қурылыс оңлаў жумыслары жуўмақланып 2018-жылдың 30-апрель күни халыққа пайдаланыўға тапсырылды. Буннан соң алыс аўыллық жерден ашылған бул мектепке шекемги билимлендириў мәкемеси жас аўладтың өсип-өниўи, кәмил инсанлар болып жетисиўине өзиниң үлкен үлесин қосады.  Ашылыў кешесине Қарақалпақстан Республикасы Мектепке шекемги билимлендириў министри Ж.Уснатдинова, район ҳәкими Д.Утемуратов, район прокуроры С.Даўлетмуратов, районлық Мектепке шекемги билимлендириў бөлими баслығы А.Жақсымуратов ҳәм жергиликли аўыл турғынлары қатнасты. Ашылыў мәресиминде жыйналған мийманлар ушын балалардың таярлап қойған концерт бағдарламасы ҳәм миллий аяқ ойынлары қойып берилди.         

Қорақалпоғистон янгиликларини телеграмда кузатиб боринг -  https://t.me/kruzuz

Қорақалпоғистон янгиликларини facebook'да кузатиб боринг - https://www.facebook.com/groups/kruz.uz/

Қорақалпоғистон янгиликларини instagram'да кузатиб боринг - https://www.instagram.com/kruz.uz/

Қорақалпоғистон янгиликларини odnoklassniki'да кузатиб боринг - https://www.ok.ru/kruz.uz

Бөлимлер