Бир айлық әскерий хызметке кетгенде айлық сақланып қалынама?

«Улыўма әскерий мәжбүрият ҳәм әскерий хызмет ҳақкында»ғы Нызамға тийкар бир ай даўам ететуғын сапар етилиў шақырыўы резервиндеги әскерий хызмет де, мәжбүрий әскерий хызметтиң бир түри есапланады.

Ҳүкиметтиң 22.02.2003-жылдағы 99-санлы қарарына муўапық, әскерий жыйынлардан өтиў дәўиринде, олардың өткериў орнына барыў ҳәм қайтыўға кететуғын ўақты қосып есапланғанда, сапар етилиў шақырыўы резерви хызметшилериниң жумыс орынларында олардың жумыс орны (лаўазымы) сақлап турылады.

Мийнет кодексиниң 165-статьясына көре хызметкер мәмлекетлик ямаса жәмийетлик ўазийпаларды орынлап атырғанда, соның ишинде әскерий мәжбүриятты орынлап атырған ўақтында жумыс бериўши оның жумыс орнын (лаўазымын) сақлаған ҳалда жумыстан азат етиўи шәрт ҳәмде әне сол ўәзийпаларды орынлаў ўақтында хызметкердиң орташа ис ҳақы сақланады.

Дерек: https://t.me/huqiqiymalimleme

Бөлимлер