Қанлыкөлде «Суңқар» балалар дем алыў орайы өз жумысын баслады

Қарақалпақстан Республикасы Министрлер Кеңесиниң 2018-жыл 31-марттағы   01-08/5-3/196-санлы мәжилис баянламасына муўапық, жаз мәўсиминде балаларды дем алдырыў ҳәм саўалландырыў, бос ўақытларын мазмунлы ҳәм көтериңки руўхта өткериў бойынша орынларда бир қанша жумыслар әмелге асырылмақта.

Қанлыкөл районы ҳәкимлиги менен қәўендер мекеме ҳәм кәрханалар тәрепинен район Педагогика колледжи имаратында «Сунқар» балалардың күндизги жазғы дем алыў орайы шөлкемлестирилип, бул орай 2018-жыл 5-июнь күни өз жумысын баслады.

«Сунқар» балалар дем алыў орайында район аймағындағы  улыўма билим бериў мектеплериндеги 7-14 жас аралығындағы балалар ушын тийкарынан 4 гезекте, ҳәр гезекте  80 баладан жәми 320 балалардың дем алыўы режелестирилген.

«Сунқар» балалар дем алыў орайында балалардың мазмунлы дем алыўы ушын шәраятлар жаратылған болып, бүгин 1 гезекке 80 бала қабыл етилди.

Буннан тысқары, 2018-жыл 5-июнь күни Қанлыкөл районлық халық билимлендириў бөлимине қараслы улыўма билим бериў мектеплери оқыўшыларынан 30 бала Тақыятас районы «Айдын жол» балалар дем алыў орайына, 50 бала Ташкент ўәлаяты «Бойчечак» балалар дем алыў орайына жиберилди.

 

 

 

Бөлимлер