Машиналардың әйнегин қарайтыўға (тонировка) руқсат берилдиме? Анықлық киритемиз

Жоқ буған руқсат берилгени жоқ.
Ҳәзирги күнде Өзбекстанда автомобиллер әйнегин қарайтыўға руқсат бериў ҳаққындағы ғалабалық мүрәжат «Мениң пикирим» порталында 10 мыңнан зыят даўыс топланды.

Ендигиден былай, тәртипке тийкар усы мүрәжат Олий Мажлис тәрепинен көрип шығылыўы ҳәм 60 күн ишинде тийисли қарар қабыл етилиўи лазым. 

Оның менен бирге, Өзбекстан Республикасы Әдиллик министрлиги тәрепинен мәпдар министрлик, кеңселер менен биргеликте усы маселе үйренип шығылмақта.

Демек ўәкилликли орган тәрепинен тийисли қарар қабыл етилгенине шекем автотранспорт қуралы әйнегин қарайтыўға мүмкин емес.

Еслетип өтемиз, Автотранспорт қураллары конструкциясиниң пайдаланыў шәртлери бойынша қәўипсизлиги ҳаққындағы улыўма техникалық регламентге муўапық, бәрше транспорт қуралларында алдыңғы, қаптал ҳәм арқа тәрепиндеги әйнегиниң жақтылық өткериўи кеминде 70 процентти қураўы керек.

Айдаўшының орынлығынан тысқары орынлықлар саны 8 данадан аспайтуғын автотранспорт қуралларының арқа әйнегинде ҳәр еки тәрепинен арқа тәрепти көретуғын сырқы айнасы бар болған жағдайда перделер, сондай ақ ший перделер ҳәм тесикли перделер болыўына жол қойылады.

Дерек: https://t.me/huqiqiymalimleme

Бөлимлер