Нөкис қаласында қастан адам өлтирген пуқараныӊ суды болып өтти

2018-жыл 04-июнь күни Қарақалпақстан Республикасы жынаят ислери бойынша судының ис жүритиўиндеги Өзбекстан Республикасы ЖКниң 97-статьясы, 2-бөлими, "в,ж" бәнлери менен айыпланған Б.Н.ның қарсысындағы жынаятлы иси усы судтын судьясы А.Абдикаримов, халық мәсләҳәтшилери Ю.Туреев ҳәм К.Кошетеров, прокурор ҳәм де судья аға жәрдемшиси қурамында Нөкис қаласы, "Шымбай шайхана" мәкан пуқаралар жыйынында ашық суд мәжилисинде, көшпели суд процесинде кең жәмийетшилик ўәкиллери ҳәм де Ғалаба хабар қураллары ўәкиллери қатнасында алып барылды. 

Судланыўшы Б.Н өзиниң алдыннан танысы болған А.Е менен спиртли ишимлик ишиў мақсетинде өзиниң үйинде отырып, кызы келгенинде оған басқаша (бузақы) көз бенен қарадың деген айыплаўды қойып, оған ашыў-ғәзеби келип, оны мәс әззи аҳўалга келтирип, өлтириў максетинде оның бас бөлимине бөлмедеги телевизор, суў қуятуғын темир пилак (фляга), темир шелек ҳәм қолына илинген басқа да буйымлар менен бир неше мәртебе урып, марҳум А.Е-ни өте аяўсызлық пенен қастан өлтирген ҳалаты бойынша суд ҳүкими оқып еситтирилди ҳәм де судланыўшы ҳәм жабиркешлердиң суд ҳүкимин қолларына алғаннан соң 10 сутка ишинде усы суд арқалы апелляция тәртибинде, бул мүддет өткеннен соң кассация тәртибинде шағым арза келтириў ҳуқықлары бар екенликлерин түсиндирип өтти.

Бөлимлер