Нөкис районында бақшада бос орын жоқ деп баланы қабыл етпеди, нәтийжеде…

Нөкис районы, “Саманбай” АПЖ аймағында жасаўшы пуқара И.Е. өзиниң 15.03.2013-жыл туўылған қызын Нөкис районы МШБМне қараслы 5-санлы балалар бақшасына жайластырыў ушын 2018-жылдың 14-май күни Нөкис районы мәмлекетлик хызметлер Орайынан алған 82-санлы жолламасын Нөкис районы МШБМне қараслы 5-санлы балалар бақшасына алып барып усынғанында усы балалар бақшасының баслығы Г.Е. бул пуқараға балалар бақшасында ҳәзир бос орын жоқ деген себеплерди айтып, пуқара И. Е.ниң қызын балалар бақшасына қабыл етиўден усы күнге дейин бас тартып келген.

Негизинде, , Өзбекистан Республикасы Министрлер Кабинетиниң 2018-жыл 28-март күнги 244-санлы Қарары менен тастыйқланған “Балаларды мәмлекетлик мектепке шекемги билимлендириў мекемелерине қабыл етиў бойынша мәмлекетлик хызметлер көрсетиўдиң ҳәкимшилик регламенти”ниң 21-бәнтинде балаларды мекемеге қабыл етиў жолламалар келип түскен яки усынылған күннен баслап бир жумыс күни даўамында, белгиленген тәртипте рәсмийлестириледи, деп белгиленген.

Нәтийжеде, Өзбекистан Республикасы Министрлер Кабинетиниң 2018-жыл 28-март күнги 244-санлы Қарары менен тастыйқланған “Балаларды мәмлекетлик мектепке шекемги билимлендириў мекемелерине қабыл етиў бойынша мәмлекетлик хызметлер көрсетиўдиң Ҳәкимшилик Регламенти”ниң талаплары бузылған.

Бу ҳалат бойынша пуқара И.Е.ниң мүрәжааты Нөкис районы Әдиллик бөлими тәрепинен үйренип шығылып, район Әдиллик бөлиминиң әмелий жәрдем көрсетилиўи нәтийжесинде пуқара И.Е.ниң қызы Нөкис районы МШБМне қараслы 5-санлы балалар бақшасына қабыл етилиўи тәмийинленип, мүрәжат толығы менен қанаатлантырылды.

Мүрәжатты үйрениў даўамында анықланған нызам ҳүжжетлериниң бузылыўы ҳалаты бойынша Нөкис район Мектепке шекемги билимлендириў бөлимине нызам ҳүжжетлериниң бузылыўы, олардың себеплери ҳəм буған алып келиўши шəраятларды сапластырыў ҳаққында орынланыўы мәжбүрий болған усыныс киритилди.

Қарақалпақстан Республикасы Әдиллик министрлиги Нөкис районы  Әдиллик бөлими

Бөлимлер