Нөкис районы Аўыл ҳәм суў хожалығы бөлими баслығына жуўапкершилик шарасы қолланылды

Қарақалпақстан Республикасы Әдиллик министрлиги Нөкис районы  Әдиллик бөлими тәрепинен Қарақалпақстан Республикасы Әдиллик министриниң 2018-жыл 18-май 56-С санлы буйрығына тийкар өткерилген тексериў даўамында Өзбекистан Республикасының “Физикалық ҳәм юридикалық шахслардың мүрәжатлары ҳаққында”ғы Нызамының 28-статьясында арза яки шағым мәселени мазмунынан шешиўи шәрт болған мәмлекетлик уйымға, шөлкемине яки олардың лаўазымлы шахсына келип түскен күннен баслап он бес күн ишинде, қосымша үйрениў ҳәм (яки) тексериў, қосымша ҳүжжетлерди сорап алыў талап етилгенде болса бир айға шекем болған мүддетте көрип шығылады деп  ҳәм 33-статьясында мүрәжатты көрип шыққан мәмлекетлик уйымы, шөлкеми ҳәм олардың лаўазымлы шахсы мүрәжат етиўшиге көрип шығыў нәтийжелери ҳәм қабыл етилген қарар ҳаққында мүрәжат көрип шығылғаннан соң жазба яки электрон формада хабар қылыўы шәрт деп белгиленген болсада «Мухаббат» фермер хожалығы баслығы С.А.ның 2018-жыл 28-апрель күнги мүрәжатына Нөкис районы Аўыл ҳәм суў хожалығы бөлими баслығы Б.И. тәрепинен өз ўақтында жуўап берилмегенлиги анықланды.

Мүрәжатты үйрениў даўамында анықланған жағдайлар бойынша Нөкис районы Аўыл ҳәм суў хожалығы бөлими баслығы Б.И.қа қарата Өзбекистан Республикасы “Ҳəкимшилик жуўапкершилик ҳаққында”ғы кодексиниң 43-статьясы бойынша топланған ҳүжжетлер усы кодекстиң 282-статьясына муўапық мазмунан көрип шығыў ушын Кегейли районы Ҳәкимшилик судына жиберилди.

2018-жыл 13-июнь күни Кегейли районы Ҳәкимшилик судының көшпели суд мәжилисинде Нөкис районы Аўыл ҳәм суў хожалығы бөлими баслығы Б.И. қарсысына топланған ҳәкимшилик ис көрип шығылып, ҳуқықбузыўшы Б.И.ге қарата Өзбекистан Республикасы “Ҳəкимшилик жуўапкершилик ҳаққында”ғы кодексиниң 43-статьясы менен жуўапкершилик шарасы қолланылды.

Қарақалпақстан Республикасы Әдиллик министрлиги Нөкис районы  Әдиллик бөлими

Бөлимлер