Бәрше исбилерменлер дыққатына!

Өзбекстан Республикаси Президентиниң 2018-жыл 8‑майдағы “Өзбекстан Республикасы Президентиниң районлардағы (қалалардағы) Халық қабыллаўханалары жанындағы Мәмлекетлик хызметлер орайлары имаратларының мәмлекет-жеке шериклик шәртлери тийкарында қурылыўын шөлкемлестириў ҳаққында”ғы ПҚ-3701-санлы қарарында Халық қабыллаўханаларын жайластырыў ушын жаңадан қурылатуғын имаратлар заманагөй архитектура көринисине, ең тийкарғысы қабыллаўханаға келиўшилерге тез ҳәм сапалы хызмет көрсетиў ушын қолайлы шәраятларға ийе болыўы керек екенлиги көрсетилген.

Сондай-ақ, Халық қабыллаўханалары имаратларын қурыўда инвесторлардың кең қатнасыўын тәмийинлеў нәзерде тутылған. Бул өз нәўбетинде инвесторларға:

- инвестор қурылған объектлерди пайдаланыўға тапсырған сәнеден баслап 5 жыл мүддетке (Нөкис қаласында 2 жыл мүддетке) жер салығы ҳәм мүлк салығы, сондай-ақ, юридик шахслардың пайда салығы, бирден бир салық төлемин төлеўден, (усы объектлерде әмелге асырылатуғын исбилерменлик искерлигинен алынатуғын пайда яки дәраматқа қарата) азат етилиўи;

- инвесторларға Халық қабыллаўханалары имаратларын пайдаланыўға тапсырылған сәнеден баслап 3 жыл даўамында усы имаратларда пайдаланылмай атырған ханаларын ижараға бериўден түсетуғын қаржылар жиберилиўи;

- коммерциялық банклер тәрепинен Халық қабыллаўханалары имаратларын қурыў ҳәм ажыратылған жер участкасы шеңберинде исбилерменлик искерлигин әмелге асырыў мақсетинде қосымша объектлер қурыў ушын инвесторларға 5 жыллық жеңиллетилген дәўир менен бирге 10 жыл мүддетке Өзбекстан Республикасы Орайлық банкының қайта қаржыландырыў ставкасы муғдарынан аспайтуғын ставка бойынша кредитлер бериў нәзерде тутылған.

Бүгинги күнде Мәмлекетлик хызметлер орайы имәраты қурылысы ушын барлық район ҳәм қала орайларынан ҳәким шешими тийкарында жер майданы ажыратылған.

Ҳүрметли исбилерменлер! Сизлерди жоқарыда атап өтилген жеңилликлерден пайдаланған ҳалда ҳәмде халыққа тез ҳәм сапалы хызмет көрсетиўде өз үлесиңизди қосыўыңызға шақырып қаламыз.

Мәмлекетлик хызметлер агентлиги Қарақалпақстан Республикасы басқармасы Мәмлекетлик хызметлер орайлары ҳаққында мағлыўмат

Қала ҳәм районлар атлары

Телефон номерлери

1

Нөкис қаласы

222-70-11, 222-70-96

2

Нөкис районы

226-42-83

3

Хожели районы

554-71-24, 554-57-76

4

Шоманай районы

346-24-01

5

Қанлыкөл районы

332-12-72

6

Қоңырат районы

312-20-47

7

Мойнақ районы

322-12-50, 322-13-49

8

Кегейли районы

412-33-47

9

Шымбай районы

444-00-11,  444-21-32

10

Қараөзек районы

465-44-49, 465-41-23

11

Тахтакөпир районы

435-19-09, 435-28-71

12

Төрткул районы

532-42-88, 532-22-99

13

Беруний районы

524-28-41, 524-25-44

14

Елликқала районы

585-26-22, 585-26-12

15

Амударя районы

515-35-62, 515-44-84

16

Тахиаташ районы

5722001

Бөлимлер