Шымбайда «Ҳаяллар социаллық бейимлесиў орайы» ашылды

Усы мақсетте Өзбекстан Ҳаял-қызлар комитети тәрепинен барлық қала ҳәм районларда «Ҳаяллар социаллық бе­йимлесиў орай»ларын шөлкемлестириў режелестирилип, 27-июнь күни районымызда «Бахыт үйи» имараты алдында «Ҳаяллар социаллық бейимлесиў орайы»ның ашылыў мәресими болып өтти.

Онда район ҳәкиминиң орынбасары К.Абдуллаев, Қарақалпақстан Республикасы Министрлер Кеңеси баслығының орынбасары, республика Ҳаял-қызлар комитети Баслығы  З.Ибрагимова шығып сөйлеп, орайдың алып баратуғын жумыслары ҳаққында  кең түрде тоқтап өтти ҳәм ашылыў мәресими менен жыйнал­ғанларды қутлықлады.

— Орайдың тийкарғы мақсети аўыр социаллық жағдайға түсип қалған ҳаял-қызлар арасында социаллық-руўхый орталықты турақластырыў, саламат турмыс тәризин қәлиплестириў, оларды қоллап-қуўатлаў, жәр­демге мүтәж ҳаялларға ҳуқықый, психология­лық ҳәм медициналық жәрдем көрсетиў, шаңарақтағы келиспеўшиликлерди сапластырыў, ажырасыўлар ҳәм өз жанына қастыянлық етиў сыяқ­лы унамсыз жағдайлардың алдын алыў, ҳәр бир ҳаял-қыздың қәлбинде оның өз шаңарағы ҳәм жәмийетке керекли инсан екенлигине исеним сезимин беккемлеў, шаңарағы ҳәм перзентлери менен тыныш-татыў жасаўын тәмийинлеўден ибарат. Сондай-ақ, жазаны өтеў орынларынан қайтқан яки депортация болған, түрли себеплерге бола шаңарағынан узақта болған ҳаяллардың  бәнтлигин тәми­йинлеў, оларды саламат турмыс­қа қайтарыў илажларын көриўден ибарат, — дейди районлық Ҳаял-қызлар комитети баслығы Гулзар Мамбетниязова.

Мағлыўмат ушын айтып өтиўимиз тийис, Орайда Аналар ҳәм балалар, сәўбетлесиў ханалары бар болып, бул жерде 24 саат даўамында жумыс алып барылады. Аўыр со­циаллық жағдайға түсип қалған ҳаял-қызларға биринши жәрдем көрсетилип, бай турмыслық тәжирийбеге ийе аналар, психолог, юрист ҳәм медицина хызметкерлери жумыс алып барады.

Н.ТОЛЫБАЕВА,

   

Бөлимлер